Canolfan Iaith Uwchradd Bangor - Tryfan

Gwybodaeth am Ganolfan Iaith Uwchradd

Beth yw`r nod?

Nod y Canolfannau Iaith yw darparu cwrs dwys yn y Gymraeg i fewnfudwyr er mwyn eu galluogi i ymdoddi i’r gymdeithas ddwyieithog a chyfranogi’n llawn o brofiadau addysg ddwyieithog.

Mae’r ddarpariaeth hon yn greiddiol i gynorthwyo ysgolion cynradd ac uwchradd i weithredu’r Polisi Iaith cyfredol.
(Cynllun Strategol Y Gymraeg Mewn Addysg 2014-2017)

Pwy?

Croesewir disgyblion 11 - 14 oed sydd yn hwyrddyfodiaid i’r Sir am dymor o gwrs iaith yn y Ganolfan Uwchradd. Bydd uchafswm o 16 disgybl yn mynychu`r Ganolfan.

Pamffled Canolfannau Iaith Gwynedd (yn dod yn fuan)

Y Cwrs

Cwrs strwythuredig

Mae`r cwrs wedi ei gynllunio`n ofalus i sicrhau llwyddiant. Ceir strwythur bendant i`r gwersi sy`n datblygu o wythnos i wythnos i gynnig iaith safonol i`r disgyblion.

Cwrs hwyliog a bywiog

Rhoddir gwerth mawr ar fwynhad, gan mai hyn fydd yn sicrhau bod y digyblion yn magu hyder i ddefnyddio’r iaith yn effeithiol.

Cwrs amlgyfrwng a thrawsgwricwlaidd

Drwy ddrama a chanu, mathemateg a gwyddoniaeth, addysg gorfforol a chelf a dyniaethau, trochir y plant yn y Gymraeg. Galluoga hyn i’r disgyblion ddychwelyd i`w hysgolion i ddilyn y cwricwlwm yn y Gymraeg.

Er mwyn sicrhau dilyniant priodol yn yr ysgolion bydd athrawon y Canolfannau yn cynnig gwasanaeth ôl-ofal i`r disgyblion wedi iddynt ddychwelyd i`w hysgolion.